بلخ کې پر ۱۷۰ کورنیو شېدې ورکوونکي وزې ووېشل شوې
۲۶ وږی ۱۳۹۹
د بلخ د کرنې، اوبولګولو او مالدارۍ ریاست ددې ولایت د کډوالو چارو ریاست، د کډوالو لپاره د ملګرو ملتونو د همکاریو دفتر او د «ORD»موسسې په همکارۍ له ایران او پاکستان څخه پر ۱۷۰ ستانه شویو کورنیو شېدې ورکوونکي وزې ووېشل.
دغه راستانه شوي کورنۍ د بلخ ولایت د نهرشاهي ولسوالۍ د قالین بافانو په ښارګوټی کې ژوند کوي، چې پر دوی ۳۴۰ شېدې ورکوونکي وزې، د څارویو ۶۸ مټریک ټنه خوراکي توکي او دغه راز د څارویو د ساتنې اړوند اړین توکي وېشل شوي دي.
