بلخ کې د شنوخونو لرونکو سره د چارچي درملو شیندلو پمپونو مرسته وشوه
۱۱ لړم ۱۴۰۴ هـ.ش
۱۱ جُمَادَى الأول ۱۴۴۷ هـ.ق
د بلخ ولایت د کرنې، اوبولګولو او مالدارۍ ریاست له لوري ددې ولایت پر یو شمېر شنوخونو لرونکو د چارچي درملو د شیندلو پمپونو مرسته ترسره شوه.
د بلخ د کرنې، اوبولګولو او مالدارۍ ریاست چارواکي وایي، دغه مرستې هغو شنوخونو لرونکو ته ورکړل شوې، چې د کرنې له ریاست سره همکار پاتې شوي او د فعالیت رسمي جوازونه لري.
د یاد ریاست د مسؤلینو په وینا، دا اقدام د شنوخونو د ساتنې او د نباتي روغتیا د ښه والي په موخه ترسره شوی، څو د شنوخونو خاوندان وکولای شي خپلې کرنیزې چارې په معیاري او اغېزمنه توګه پرمخ یوسي.
دغو مرستو د بزګرانو د هڅونې او د کرنیزو محصولاتو د کیفیت په لوړولو کې مهم رول لوبولی شي.
