بلخ کې د بزګرانو د ملاتړ په موخه یو ورځنی سیمینار ترسره شو
د بلخ ولایت د نهرشاهي، چمتال او بلخ ولسوالیو یو شمېر کروندګرو ته د بزګرانو د ملاتړ او همکارۍ د پیاوړتیا په موخه یو ورځنی سیمینار جوړ شو.
یاد سیمینار د نهرشاهي ولسوالی د کرنیزو خدمتونو مدیریت په هڅو او د «سنايي» مؤسسې په مالي او تخنیکي ملاتړ په یاده ولسوالی کې ترسره شو. د سیمینار موخه د بزګرانو او دولتي ادارو ترمنځ د اړیکو ساتنه، د کرنیزو خدمتونو د لا اغېزمنتیا زیاتول او د بزګرانو ملاتړ ښودل شوي دي.
د سیمینار ګډونوال د کرنې په پرمختګ، د تخنیکي همکارۍ اړتیا، او د کرنیزو خدمتونو په همغږۍ ټینګار وکړ.
په پای کې، د «سنايي» مؤسسې استازو له ګډونوالو بزګرانو سره د هر ډول مرستې او دوامداره همکارۍ ژمنه وکړه، او وویل چې د راتلونکو پروګرامونو له لارې به د بزګرانو د ظرفیت لوړولو او د کرنیزو فعالیتونو د پراختیا لپاره عملي ګامونه پورته کړي.
