بلخ کې لسګونو بزګرانو سره مرسته وشوه
۳ لیندۍ ۱۴۰۴ هـ.ش
۳ جُمَادَى الثانی ۱۴۴۷ هـ.ق
د بلخ ولایت دکرنې، اوبولګولو او مالدارۍ ریاست په هلو ځلو، د کرنې، اوبولګولو او مالدارۍ وزارت د پراختیایي بودیجې په مرسته ۳۰ تنو بزګرانو ته د غنمو د کرلو لپاره کیمیاوي سره او نغدي مرسته ووېشل شوه.
د دې پروګرام موخه د غنمو د حاصلاتو لوړول دي، ترڅو په راتلونکي کې بزګران وکولی شي ښه حاصلات تر لاسه کړي، د یادې برنامې له مخې، هر بزګر ته ۵۰ کیلوګرامه سپینه کیمیاوي سره، ۲۵ کیلو ګرامه توره سره، او د ځمکې د چمتووالي لپاره هر بزګرته ۱۰۰۰ افغانۍ نغدې مرسته ورکړل شوي دي.
