بدخشان ولایت ته د کرنې وزارت د مالي او حسابي رییس سفر

mail-admin
شنبه ۱۴۰۵/۷/۴ - ۲۰:۴۹

۴ تله ۱۴۰۵ هـ.ش 
۱۳ رَبِیعُ الْثاني ۱۴۴۸ هـ.ق
د کرنې، اوبولګولو او مالدارۍ وزارت د مالي او حسابي رییس، مولوي ضیاءالدین واقف، بدخشان ولایت ته د خپل رسمي سفر په ترڅ کې د دغه ولایت د کرنې، اوبولګولو او مالدارۍ ریاست څخه لیدنه وکړه.
د دغه سفر په ترڅ کې د بدخشان د کرنې ریاست د مسؤلینو، آمریتونو او عمومي مدیریتونو د مسؤلینو په ګډون غونډه جوړه شوه. په دې غونډه کې د عوایدو د عمومي وضعیت، عایداتي سرچینو، د عوایدو د راټولولو او تحصیل د بهیر، د ځمکو د اجارې ورکولو او نورو عایداتي سرچینو په اړه بحث او د نظرونو تبادله وشوه.
په غونډه کې د عوایدو د تحصیل په برخه کې شته ستونزې او ننګونې هم وڅېړل شوې او د عایداتي سرچینو پر پېژندلو او جدي تعقیب، د عوایدو د ضایع کېدو پر مخنیوي، د اجارې ورکولو د بهیر پر ښه والي، د اړوندو برخو ترمنځ د همغږۍ پر تأمین او د عوایدو د زیاتوالي لپاره د عملي لارو چارو پر رامنځته کولو ټینګار وشو.
د بدخشان د کرنې ریاست د بېلابېلو برخو مسؤلینو هم د شته خنډونو د له منځه وړلو، د روغنیاتو د سهمیې د زیاتوالي او د اړتیا وړ امکاناتو د برابرولو په برخه کې خپلې ستونزې او وړاندیزونه له راغلي پلاوي سره شریک کړل.
مسؤلینو د بدخشان د ۲۹ ولسوالیو، پراخې جغرافیې او د یو شمېر ولسوالیو د لرې والي او صعب‌العبور سیمو له امله، د کاري چارو د ښه ترسره کېدو لپاره د لازمو امکاناتو پر برابرولو ټینګار وکړ.
په دوام کې، مولوي ضیاءالدین واقف د مسؤلینو ستونزې او وړاندیزونه واورېدل او د عوایدو چارو ته پر جدي پاملرنې، د روڼتیا او کاري اصولو پر رعایت، د عایداتي سرچینو پر تعقیب، د عوایدو د ضایع کېدو پر مخنیوي او د اړوندو برخو ترمنځ پر ګډې همکارۍ ټینګار وکړ.
نوموړي همدارنګه د شته ننګونو د هواري او د عوایدو د مدیریت د لا ښه والي لپاره د لا ډېرو هڅو غوښتنه وکړه.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت