بادغیس کې دکتار په بڼه د غنمو کرکېله؛ حاصلات دوه چنده کېږي
۳۱ غبرګولی ۱۴۰۰
د بادغیس د کرنې، اوبولګولو او مالدارۍ ریاست د کروندې ورځې په لاره اچولو سره بزګرانو ته دکتار په بڼه د غنمو د کرکېلي په اړه اړین مالومات وړاندې کړل او ویې ویل، چې د دودیزې کرکېلي په پرتله د کتار په بڼه د غنمو کرکېله دوه چنده حاصل ورکوي.
یاد ریاست ددې ولایت یوشمېر بزګرانو ته د کتار په بڼه د غنمو په ننداریزو کروندو کې د یادې بڼې په هکله بشپړ مالومات وړاندې کړل. دوی وویل، چې د کتار په بڼه د غنمو له کروندو څخه راټول شوې نمونې ښيي، چې په دې بڼه هر هکټاره ځمکه ۷.۵ مټریک ټنه حاصل ورکوي. په داسې حال کې، چې په دودیزه بڼه د غنمو د کرکېلي د هر هکټار ځمکې حاصلات ۳.۵ مټریک ټنو ته رسېږي.
