بادغیس ولایت ته د کرنې وزارت د مالدارۍ او حیواني روغتیا د لوی رییس سفر 

mail-admin
یکشنبه ۱۴۰۵/۷/۵ - ۱۵:۴۱
بادغیس ولایت ته د کرنې وزارت د مالدارۍ او حیواني روغتیا د لوی رییس سفر 

۵ تله ۱۴۰۵ هـ.ش 
۱۴ رَبِیعُ الْثاني ۱۴۴۸ هـ.ق
د کرنې، اوبو لګولو او مالدارۍ وزارت د مالدارۍ او حیواني روغتیا لوی رییس مفتي ذاکرالله ذاکر بادغیس ولایت ته د خپل سفر په ترڅ کې د دغه ولایت د کرنې، اوبو لګولو او مالدارۍ له رییس سره وکتل او د مالدارۍ او حیواني روغتیا بېلابېلې برخې یې له نږدې وکتلې.
مفتي ذاکرالله ذاکر د بادغیس ولایت د کرنې، اوبو لګولو او مالدارۍ له رییس مولوي شاه‌محمد حاجي سروري سره په لیدنه کې د خپل سفر موخه تشریح کړه او د مالدارۍ او حیواني روغتیا په برخو کې یې د چارو د لا ښه والي په اړه خبرې وکړې.
د کرنې وزارت د مالدارۍ او حیواني روغتیا لوی رییس، وروسته د بادغیس ولایت د مالدارۍ او حیواني روغتیا آمریت له کارکوونکو سره وکتل او د یادې برخې ستونزې او ننګونې یې واورېدې. نوموړي د چارو پر ښه والي، د خدماتو پر کیفیت او مالدارانو ته د لا غوره خدمتونو پر وړاندې کولو ټینګار وکړ.
نوموړي همداراز د حیواني روغتیا له کلینیک او لابراتوار او د بادغیس ولایت د مالدارۍ له نورو برخو څخه لیدنه وکړه او د کاري بهیر د ښه والي او مالدارانو ته د اغېزمنو خدمتونو د وړاندې کولو په موخه یې د همکارۍ او ملاتړ ډاډ ورکړ.
په دغو لیدنو کې د مالدارۍ او حیواني روغتیايي خدمتونو پر پیاوړتیا، د چارو پر لا ښه تنظیم او د مالدارانو د ستونزو پر حل او رسېدنه ټینګار وشو.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت