اروزګان کې د شړشمو ترویج په پار هڅې
۱ غبرګولی ۱۴۰۲ه.ش
۲ ذو القعدة ۱۴۴۴ ه.ق
د اروزګان دکرنې، اوبولګولو او مالدارۍ ریاست وایي، چې ددې ولایت په کچه یې د شړشمو د ترویج په پار هلې ځلې کړندي کړي دي.
د چاراکو په خبره ددې نبات د ترویج په پار د اروزګان په مرکز ترینکوټ کې د شړشمو کروندې جوړې شوي دي، چې له دغو کروندو څخه سږکال ښه حاصلات راټول شوي دي.
د یادونې وړ ده، چې دکرنې، اوبولګولو او مالدارۍ وزارت د هېواد په کچه د ارزښت لرونکو بوټو د ترویج په پار هلې ځلې کوي، چې له یوې خوا د بزګرانو اقتصادې غوړېدا ته زمینه برابره او له بلې خوا د کوکنارو او نورو نشه یې توکو دکرکیلې مخه ونیول شي.
