اروزګان کې د اوبولګولو د یوې پروژې رغنیزې چارې بشپړ او ګټې اخیستنې ته وسپارل شو
٢۳ لړم ۱۴۰۲ه.ش
۳۰ ربیعالثاني ۱۴۴۵ ه.ق
د اروزګان دکرنې، اوبولګولو او مالدارۍ ریاست له خوا ددې ولایت د مرکز ترینکوټ د سرخولیز کانال د سربند پروژې چارې بشپړ او ګټې اخیستنې ته وسپارل شو.
په دې اړه جوړه شوې غونډه کې د اروزګان دکرنې ریاست چارواکو، د پلي کوونکي پروژې استازو او یوشمېر نورو سیمه ییزو چارواکو شتون درلود.
د ارزوګان دکرنې ریاست چارواکي وویل، چې یاد سربند د څه باندې څلور میلیونه او ۶۰۰ زره افغانیو په لګښت دکرنې وزارت د پراختیایي بودیجې له لارې جوړ شوی دی.
د اروزګان دکرنې ریاست چارواکو د تطبیق کوونکي پروژې له مسؤلینو څخه مننه وکړه، چې د پروژې دچارو په بشپړېدو کې خپلې هڅې ترسره کړي، په ورته وخت کې دوی د سیمې له خلکو وغوښتل چې د پروژې په ساتنه کې بشپړه همکاري وکړي یادو چارواکو د سیمې خلکو ته ډاډ ورکړ چې هڅه کوي ترڅو د همکارو مؤسسو له لارې د اوبولګولو پروژو سربېره د سبو او غله جاتو په برخو کې داصلاح شویو تخمونو دتوزیع پروګرامونه پلي کړي.
