کرکیلې ته د شاړو ځمکو چمتو کولو په پآر هڅې؛ ۱۰۰ جریبه ځمکه بولې شوه
د ننګرهار کانال شرکت چارواکي وایي، چې ددې شرکت اړوندو شاړو ځمکو ابادولو په پار یې هلې ځلې پیل کړي دي، چې په ترڅ کې یې د یاد شرکت اړوند ۱۰۰ جریبه ځمکه په اجاره ورکړل شوی دی.
د چارواکو په خبره د یو ګډ پلاوی په شتون کې د هډې فارم لومړي بلاک اړوند (۳۷ ، ۳۸ ) نمره ځمکې کابو ۱۰۰ جریبه ځمکه بولي شوه .
دغه بولي عزیز نوري کرنیز شرکت د ازادې او رڼې بولۍ له لارې فې جریب د کال په ۱۰۱۵۰ افغانیو ګټوونکې شو.
د املاکو امریت د اجاره ورکونې مدیر نبي جان اغا وايي، چې دا سل جریبه ځمکه مخروبه، سنګزاره ده او دا څلورلسیزې ترې هېڅ ډول ګټه ( نه ترې کرنیزه او نه هم ترې تعمیري ) نه وه پورته شوي.
د نوموړي په ټکو دغه اجاره اوسمهال یاد کرنیز شرکت ته د یوه کال لپاره ورکول شوی دی، د کرنې وزارت له لوري د نوي طرزالعمل په راتګ سره سم به هر کال د طرزالعمل له مخې کړنه ترسره کېږي.
