کرنې وزارت د عامې روغتیا وزارت سره په بلخ کې د کرونا ویروس د تشخیص د یوه دستګاه مرسته وکړه
۱۹ وری ۱۳۹۹
د کرنې، اوبولګولو او مالدارۍ وزارت د مشرتابه د پرېکړې پر اساس، د بلخ د کرنې ریاست د یاد ولایت د روغتیا له ریاست سره د PCR د تشخیص د یوه دستګاه مرسته وکړه.
د بلخ د عامې روغتیا ریاست سره د یادې دستګاه مرسته د یوې هوکړې پر ساس شوي، چې د کرونا مشکوکو پېښو د تشخیص په موخه له دوه سنټرفیوژونو او یوه پایه لپ ټاپ کامپیوټر سره د بلخ عامې روغتیا ریاست ته ورکړل شوي دي.
دغه دستګاه له تجهیزاتو سره یې د بلخ د کرنې ریییس محمدسالم ساعي له خوا د والي د مرستیال په شتون کې د بلخ عامې روغتیا ریاست ته ورکړل شوې ده.
د PCR دغه دستګاه، چې د بلخ ولایت د کرنې ریاست له خوا ددې ولایت د عامې روغتیا ریاست سره مرسته وشوه، په یونیم ساعت کې کولای شي، چې ۸۰ مشکوکې نمونې تشخیص کړي، چې په لوړ وړتیا سره په دې شرایطو کې ډېرې ستونزې هوارولای شي.
په دې غونډه کې د بلخ د عامې روغتیا رییس وویل، چې ددې دستګاه په ترلاسه کولو سره، د بلخ د عامې روغتیا ریاست د شمال د نورو ولایتونو د مشکوکو پېښو د نمونو د تشخیص وړتیا هم پیدا کولای شي.
