ننګرهار کې د انجې کرکېله ډېره شوې
۳۱ وری ۱۴۰۴ ه.ش
۲۲ شَوّالُ المُکَرَّم ۱۴۴۶ه.ق
ننګرهار کې د بزګرانو اقتصادي پياوړتیا په موخه د انجې طبي بوټي ترویج پيل شوی. د مسوولینو په خبره د دغه ولایت په بهسود، سره رود، ګوشتې، حسارک، کوټ او هسکې مېنې ولسوالیو کې د بزګرانو اقتصادي پياوړتیا په موخه د انجې بوټي کر او ترویج پيل شوی دی. اوس مهال یادو ولسوالیو کې پر څه باندې ۴۲ جریبه ځمکه باندې انجه کرل شوې ده.
د ننګرهار کرنې،اوبولګولو او مالدارۍ ریاست د معلوماتو په اساس د ننګرهار په سره رود، بهسود، ګوشته، حصارک، کوټ، پچیراګام او هسکي مېني ولسوالیو کې پر ۴۲.۲ جریبه ځمکه اینجه کرل شوي، چې د اټکل لمخې به ۶۳۰ کیلو ګرامه حاصل ورکړي.
تېر کال پر ۳۵.۲ جریبه ځمکه کرل شوې وه، چې ۵۲۰ کیلو ګرامه حاصل یې ورکړې وو.
اینجه د کوکنارو یو ښه بدیل نبات دي، چې د کوکنارو په پرتله یې عاید څو چنده زیاته ده؛یو جریب رسیدلې اینجه د۱۵۰ څخه تر ۱۸۰ کیلو ګرامه حاصل ورکوي.
د ننګرهار ولایت اقلیمي شرایط د اینجی د کرلو لپاره مناسبه ده، دننګرهار د کرنې، اوبولګولو او مالدارۍ ریاست هڅه کوي په هغو ولسوالیو کې چې اینجه ښه نتیجه ورکوي ترویج کړي.
اینجه یو طبي بوټي دي چې درملو ترڅنګ په صنعت کې هم په زیاته کچه کارول کیږي او خورا ښه مارکیټ لري.
