د هلمند مرکز لښکرګاه  کې ٣٠کورنیو سره مرستې وشوې

۱۵ وږي ۱۴۰۲ه‍.ش
۲۰ صَفَرُ المُظَفَّر ۱۴۴۵ه‍.ق
د هلمند ولایت دکرنې، اوبولګولو او مالدارۍ ریاست لخوا، له افغان کډوالو سره د مرستې لپاره د ډنمارک کمیټې (داکار) مؤسسې په همکارئ، ددې ولایت په مرکز لښکرګاه کې پر ٣٠ بېوزلو او بې سرپرستو کورنیو دشیدو وزې او د خیاطۍ اړوند توکي ووېشل شول.
ددې مرستې په ترڅ کې هرې کورنۍ ته ٢ راسه دشیدو وې، ٤ راسه دوزو مرغومان، ١٣٠٠ګرامه د رشقې تخم،  ٢٥.٥کیلوګرامه کنجاړه او یو بوتل د چینجیو ضد درمل وېشل شوي دي.
د پورتنیو توکیو ترڅنګ یادو کورنیو ته یوه پایه د خیاطۍ ماشین، یوه پایه میز، یو عدد قیچي، ٢بوتله دماشین تېل، یو عدد اوتو، یو عدد کنټرولر، یوه پایه د ګازو ډبه، یو عدد کج متر، د اندازې نیولو فیته او یو عدد پلاس هم ووېشل شول. 
د یادولو وړ ده چې د نوموړو کورنیو د تثبیت ، انتخاب او توزیع چارې د ګډې کمیټې لخوا په شفاف ډول ترسره شوي دي.