د کونړ دکرنې ریاست: د مرکز په ګډون درې ولسوالیو کې سلګونو کسانو ته د کار زمینه برابره شوې
۲۷ چنګاښ ۱۴۰۲ه.ش
۱ مُحَرَّمُ الحَرام ۱۴۴۵ه.ق
د کونړ دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د د افغانستان د کلیو د بیارغونې مؤسسې په تخنیکي همکارۍ ددې ولایت د مرکز په ګډون په درې ولسوالیو کې د کاریزونو، لښتیو او ویالو د پاکارۍ له لارې ۲۵۱۴ کسانو ته دکار زمینه برابره کړې ده.
ددې برنامې په ترڅ کې هر کارګر ته د شل کاري ورځو په بدل کې ۱۰۰ امریکایي ډالره ورکول کېږي، چې ددې پروژې ټولیز لګښت ۲۵۱۴۰۰ ډالر کېږي.
ددې پروژې موخه د بېوزلو او اړمنو کونړیانو ملاتړ، خلکو ته د کارزمینه برابرول او په ټوله کې د اوبو مدیریت او د اوبو د ضایعاتو مخنیوي ښودل شوی دی.
