اروزګان کې د ځمکې غصب او غصب شويو ځمکو بېرته راکرځولو کمېټې کړنې
د اروزګان د امارتي (سلطاني) عامه مرعي او وقفي غصب شویو ځمکو، د غصب مخنيوي او استرداد کمیسون تخنیکي پلاوی خپلې هلې ځلې کړندي کړي دي.
د دغو هلو ځولو په دوام د یوې غونډې په ترڅ کې د یوشمېر هغو کسانو دوسیې وڅېړل شول، چې امارتي ځمکې یې غصب کړي وي.
دغه راز د غونډې په ترڅکې د اروزګان د چورې ولسوالی اړوند د قومندان اختر محمد دویالې ۵۰۳۸ جریبه ځمکې او د اروزګان د مرکز ترینکوټ اړوند د نعمت الله خان د کور موضوع باندې خبرې اترې شوې.
په همدې توګه ددې غونډې په لړ کې د اروزګان ولایت د خیرآباد کاریز ۳۵۰۰ جریبه املاکي ځمکې باندې هم خبرې وشوې، چې اوس غصب شوی دی.
دغه راز په دې غونډه کې له مرکز څخه د استول شویو موضوعاتو د تعقیب په پار هم یو پلاوی وټاکل شو ترڅو په سمه او دقیقه توګه اجراات ترسره شي.
