کونړ کې دڅارویود پوستکي ناروغۍپر وړاندې دواکسین کمپاین دویم پړاو پیل شو
۱۹ غویی ۱۴۰۲ه.ش
۱۹ شَوّال المُکَرَّم ۱۴۴۴ ه.ق
د کونړ ولایت دکرنې، اوبولګولواو مالدارۍ ریاست دملګرو ملتونو دخوړو اوکرنې ادارې (FAO) په همکارۍ د کونړ په کچه د څارویو دپوستکي ناروغۍ(Lumpy Skin Disease) پر وړاندې د واکسین کولوکمپاین دویم پړاو پیل کړی دی.
په همدی موخه جوړی شوی ناسته کې د کونړ دکرنې، اوبولګولو اومالدارۍ ییس مولوي شیرآقا (پیر حبیب الرحمن) سربېره یوشمېر نورو چارواکو اودتطبیق کوونکې موسسی (FAO)استازو ګډون کړی وو.
دکونړ دکرنې رییس په خپلو خبروکې دغه واکسین دکونړ ولایت څارویو لرونکو لپاره مهم وباله اود وترنرۍ څانګی له ډاکټرانویې وغوښتل، ترڅو هڅه وکړي، چې دغه واکسین په سمه توګه تطبیق او ددغه ولایت لیری پرتوسیمو ته یې هم ورسوي.
هېره دی نوی چې دغه واکسین به دیوې نیمې تردوه میاشتوموده کې تطبیق شي، چې دمرکزپه ګډون به ولسوالیوکې هم تطبیق او په ترڅ کې به یې ۱۴۵۰۰۰ غواګانې واکسین شي.
باید وویل شي، چې د کرنې، اوبولګولو او مالدارۍ وزارت له خوا د دې ناروغۍ پروړادې د ټول هېواد په کچه د واکسینو کمپاين پیل شوی دی.
