د پکتیا ولایت د ځمکو د غصب مخنیوي او غصب شویو ځمکو د تشخیص او تثبیت پلاوي دوه ویشتمه ناسته
د پکتیا ولایت د غصب مخنیوي او غصب شویو ځمکو د تشخیص او تثبیت پلاوي دوه ویشتمه کاري غونډه د یاد ولایت څارنوالۍ ریاست کې جوړه شوه.
په دې غونډه کې د پکتيا ولايت د ځمکي دغصب مخنیوی او غصب شویو ځمکو د تشخیص او تثبیت تخنیکي پلاوی غړو ګډون درلود.
یاده غونډه چې د پکتیا ولایت څارنوالۍ ریاست کې دایره شوه د یاد تخنیکي پلاوي غړو په جوړه شوې ناسته کې په خپل وار سره د تېرې اوونۍ د ترسره شويو چارو اړوند راپورنه وړاندې کړل او د راتلونکی اوونۍ لپاره یې په پلان شوې عملي طرحه خپل نظرونه او مشورې د غونډې ګډونوالو سره شریک کړل.
د دې غونډې په لړ کې د پکتیا ولایت اړوند د غلګی سیمې درې قومونو استازو ته استعلامونه ورکړل ترڅو یاد استعلامونه ځواب او تر دریو ورځو پورې یې قضا امارت ته وسپاري.
