ننګرهار ولايت ته د کرنې او مالدارۍ مرستیال سفر
د کرنې او مالدارۍ مرستيال مولوي صدراعظم عثمانی چې، د احصایی رٸیس، د تخمونو د تصدیق رٸیس، د بشری سرچینو رٸیس، مولوی گل حضرت عماد د کرنی او مالداری معینیت حقوقي مشاور، کانال رٸیس مولوي غلام الرحمن، مولوي عطیق الله مسلم مشاور مقام او د ننګرهار د کرنې رياست رٸيس عبدالستار يې ملتیا کوله د کرنی او مالداری اطاق له استازو سره وکتل.
په دې کتنه کې دکرنې او مالدارۍ مرستیال مولوی صدراعظم وویل: «موږ هلې ځلې کوو،چې پانګوالو ته د پانګونې اسانتیاوې برابرې کړو، ترڅو دکرنې او مالدارۍ په برخه کې پانګونې وکړي، ځکه چې د دولت او خصوصي سکټور ترمنځ دوه اړخیزه همکارۍ د دولت او خصوصي سکټور په ګټه ده.»
په همدې حال کې یوشمېر پانګوال دکرنې سکټور په برخه کې د پانګونې په موخه د اسلامي امارت د ملاتړ غوښتونکي شول او په کور د ننه يې پر پانګونه اچونه ژمنه وکړه.
د کرنی او مالداری اطاق استازو، وویل، د دولت هڅونه او ملاتړ ددې لامل کېږي، چې سوداګر هر ډول پانګونې ته زړه ښه کړي. دوی زياته کړه ، که چېرې دوی ته په کافي اندازه ځمکه، کرنیز پورونه، کرنیز بانک، په کور دننه او بهر بازارمونده او له کورنیو محصولاتو څخه د ګټې اخيستنې زمینه برابرې شي خصوصي سکټور به خپل تولیدات لا ډير کړي.
