لغمان کې د نیالګیو کېنولو کمپاین پیل شو
۱۵ سلواغه ۱۴۰۱ه.ش
۱۳ رَجَب المُرَجَّب ۱۴۴۴ ه.ق
د لغمان ولایت دکرنې، اوبولګولو او مالدارۍ ریاست له خوا دنیالګیو کینولو کمپاین په داسې حال کې پیل شوه، چې دلغمان والي قاري زین العابدین عابد،دکرنې، اوبولګولو او مالدارۍ وزارت څخه راغلي پلاوي هریو دطبیعي سرچینو عمومي رییس مولوي عبدالاحدخلیل، د ځنګلونو دتنظیم رییس انجینر امان الله امانیار، دڅړځایونو رییس سید احمد خالد صاحبزاده، او دغه راز د لغمان دکرنې، اوبولګولو او مالدارۍ رییس الحاج مولوي محمدولي محسن او دولایتي ادارو یوشمیر رییسانو او دپوهنتون محصلینو په کې ګډون کړي وه.
یاد کمپاین د لغمان د پوهنتو په انګړ کې د یادو مشرانو له خوا د یو یو نیالګي په کېنلو سره رسماً پیل شو.
دیادو مراسمو پرمهال دلغمان د کرنې، اوبولګولو او مالدارۍ رییس مولوي محمدولي محسن لمړی د نیالګیو کینولو ګټې داسلام په رڼا کې بیان کړل او دلغمان په ولسونو یې غږ وکړ چې دنیالګیو کینولو په کمپاین کې برخه واخلي او دلغمان دلاسمسورتیا په پار په خپلو ځمکو کې نیالګي کینوي. ښاغلی محسن په خپلو خبرو کې وویل، چې د روان کال د نیالګیو کمپاین لپاره د لغمان د کرنې، اوبولګولو او مالدارۍ ریاست له خوا ۲۱ زره ډول ډول نیالګي چې مېوه لروني او بې مېوې نیالګي په کې شمال دي دغه راز ۳۰۰ زره د بېرې نیالګي او ۱۲۰ زره د چهارمغزو نیالګي تولید شوي او کېنلو ته چمتو دي. ښاغلی محسن وویل، چې یاد نیالګي به ددې ولایت بېلابېلو ولایتي ادارو، اماکنو او عام المنفعه ځایونو کې کینول شي.
په ورته مهال د کرنې، اوبولګولو او مالدارۍ وزارت د ځنګلونو د تنظیم رییس امان الله امانیار په خپلو خبرو کې وویل، چې دنیالګیو کینول دهېوادوالو عنعنوي او فرهنګي دود سربېره یواسلامي وجیبه ده. هغه په ټولو هېوادوالو غږ وکړ چې دهېواد د زرغونتیا لپاره نیالګي کینوي. ښاغلی امانیار وویل، چې دهېواد په کچه د کرنې وزارت له خوا دوه میلونه نیالګي تولید شوي او کرلو ته اماده دي او همدارنګه ۳۳ میلونه نیالګي د قوریه دارانو، موسساتو او خصوصي سکتور له خوا تولید شوي. هغه زیاته کړه چې دهېواد نفوس ته په کتو یو نیالګی یو کس ته رسېږي، ترڅو هېوادوال یې په خپلو سیمو کې کینوي.
دیادو مراسمو له پای ته رسېدو وروسته دکرنې وزارت څخه راغلي پلاوي د قلعه سراج بڼ ته لاړ او هلته یې د بیرې، چهارمغزو، ناجو او سروې نیالګیو له تولیدي قوریو څخه لیدنه.
یاد پلاوی دغه راز د قرغیو ولسوالی اړوند ګل غونډې سیمې ته سفر وکړ او هلته یې د لغمان د کرنې ریاست اړوند د بیرې مصنوعي ځنګل له نیالګیو او د SARCDO پروژې له کارونو څخه لیدنه وکړه په ورورستیو کې راغلي پلاوي ګردي کڅ ته لاړ او د ډاکټر عبدالوکیل خان د مصنوعي ځنګلي بڼ څخه لیدنه کتنه وکړه.
