پکتیکا کې په څه باندې ۱۶ زره بېوزله کورنیو خوراکي توکي ووېشل شو
۷تله ۱۴۰۱ه.ش
۳ربیعالاول ۱۴۴۴ ه.ق
د پکتیکا دکرنې، اوبولګولو او مالدارۍ ریاست د (ORD) مؤسسې په مالي ملاتړ ددې ولایت له ۱۶۱۰۰ بېوزله کورنیو سره د خوراکي توکو مرسته وکړه.
د چارواکو په خبره د پکتیکا ولایت د مرکز شرنې په ګډون ددې ولایت د ارګون، سروضه، زېړوک، یحی خېل، جاني خېل، خیرکوټ او یوسف خېلو ولسوالیو کې ۱۶۱۰۰ بېوزله کورنیو سره د خوراکي توکو مرسته شوې ده.
ددې مرستې په لړکې هرې کورنۍ ته یوه بوجۍ ۵۰ کیلو یي وړه، ۵ لیټره غوړي، یو من دال، یوه کیلومالګه او د ماشومانو لپاره د خوارځواکۍ توکي ورکړل شوي دي.
باید وویل شي، چې دغه مرستې د کار په بدل کې یادو کسانو ته ورکړل شوي دي، چې د دوی د کار په ترڅ کې ویالې، کانالونه، چینې، چک ډمونه او سرکونه بیارغول شوي دي.
