میدان وردګو ولایت کې پر یوشمېر بزګرانو د سبوتخمونه او کرنیزې توکي ووېشل شول
۱۶ چنګاښ ۱۴۰۱ ه.ش
۸ ذوالحجَّة ۱۴۴۳ ه.ق
د میدان وردګو ولایت دکرنې، اوبولګولو او مالدارۍ ریاست چارواکي وایي، چې ددې ولایت د سیدآباد ولسوالی د اوو حوزو (۴۰) کلیو بزګرانو ته د نباتي ناروغیو او افتونو د مخنیوي په پار یوه ورځنۍ روزنیز پروګرام په لاره اچول شوې وه، چې په ترڅ کې یې په یادو بزګرانو د سبو اصلاح شوي تخمونه او کرنیزې توکي هم وېشل شوي دي.
یاد پروګرام د ملګرو ملتونو د خوړو او کرنې ادارې «FAO» په مالي او د «FGA» مؤسسې په تخنیکي همکارۍ دائره شوې وه.
د میدان وردګو ولایت دکرنې ریاست وایي، چې دسید آباد ولسوالی د اوو حوزو (۴۰) کلیو بزګرانو ته د روزنیز پروګرام په ترڅ کې د اته ډوله سبوتخمونه چې په کې د «پیاز، ګشنیز، رومي بانجان، توربانجان، بېندۍ، کدوچه، سره ملۍ او کرم» شامل دي او دغه راز د کرکېلي اړونده توکي لکه «بېلچې، چپه بېل او کشک» وېشل شوي دي.
ددغو مرستو موخه د بزګرانو ملاتړ او په دې ولایت کې د سبو د کرکېلي پراختیا ده.
