د اروزګان په ولایت کې د زیرې کرکېله دود شوی دی
سږکال ددې ولایت په ۵۰۰ هکټاره ځمکه توره او سپینه زیره کرل شوي دي. ددې ولایت د زېرې کلنۍ تولید ۶۰۰ ټنو ته رسیږي.
تېرو کلونو کې هم په دې ولایت کې یوشمېر بزګرانو په خپلو کروندو کې زیره کرلې وه، چې حاصل یې د قناعت وړ و. د اروزګان زیره د کیفیت له پلوه غوره زیره ده او په کور د ننه او بهر ښه مارکېټ هم لري.
زیره، چې په اصل کې یو غرنۍ بوټی دی، ځانګړې اقلیمي شرایطو ته اړتیا نه لري نو په همدې موخه د افغانستان په ډېرو سیمو کې یې کرکېله دود شوې ده.
له زیرې څخه په خوړو او طبابت کې ګټه اخیستل کیږي او ډېر مینه وال او پېرېدونکي لري.
