ننګرهار کې ١٧٨ مالدارانو ته حیواني خوراکه ووېشل شوه
د ننګرهار د کرنې، اوبو لګولو او مالدارۍ ریاست سره په همغږۍ د نه انلوس مؤسسې له لورې په سره رود، دره نور، بهسود او کامي ولسوالیو کې مالدارانو ته حیواني خوراکه ورکړل شوه.
د ننګرهار د کرنې، اوبو لګولو او مالدارۍ رییس مولوي عبدالستار محمد وویل، چې هر مالدار ته ١٠٠ کیلو ګرامه حیواني خوراکه د څارویو د ښې تغذیي په موخه ورکړل شوي. نوموړې وویل، چې حیواني خوراکه هغو مالدارانو ته ورکړل شوه، چې څه موده مخکي د همدې مؤسسې لورې ورته د شېدو غواګاني ورکړل شوې وې.
ښاغلي محمد زیاته کړه، چې یادو مالدارانو ته د څارویو ساتلو، ناروغیو مخنیوي، محصولاتو راټولولو، حیواني خوراکي او نورو ګڼو برخو کې روزنه هم ورکړل شوې ده.
د حیواني خوراکي د وېش موخه د مالدارۍ سکتور پیاوړتیا او د کورنیو د خوړو خوندیتوب رامنځته کول دي.
