د کرنې وزارت لهخوا امارتي شرکتونو لوی ریاست ته ځمکه ولېږدول شوه
۹ سلواغه ۱۴۰۴ه.ش
۱۰ شَعبان المُعَظّم ۱۴۴۷ه.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د ځمکو د انتقال او وېش رییس حافظ عبدالکبير زاهد او د د امارتي شرکتونو لوی ریاست د ثابتو شتمنیو لوی مدیر محمد جمال مومند ګډون درلود، د کرنې وزارت د اراضۍ رياست لهخوا امارتي شرکتونو لوی ریاست ته ځمکه ولېږدول شوه>
ياده ځمکه د امارتي شرکتونو لوی ریاست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست لهخوا ياد رياست ته کندهار ولايت ارغنداب ولسوالی کې په 11 جريبه ځمکه باندې د لمریز سیسټم د نصبولو په موخه ولېږدول شوه.
د یادې ځمکې لېږد ټړون د کرنې وزارت اراضۍ ریاست د ځمکو د انتقال او وېش رییس حافظ عبدالکبير زاهد او د امارتي شرکتونو لوی ریاست د ثابتو شتمنیو لوی مدیر محمد جمال مومند ترمنځ لاسلیک شو.
