د کندز دشت ارچي ولسوالی کې پر سلګونو بزګرانو د غنمو اصلاح شوي تخم او کیمیاوي سرو وېش لړۍ پیل شو
۱۴ مرغومې ۱۴۰۴ه.ش
۱۴ رَجَب المُرَجَّب ۱۴۴۷ه.ق
د کندز دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې په مالي او د افغانستان دکلیو د پراختیا او بیارغونې مؤسسې «آر.آر.اې.اې» په تخنیکي همکارۍ ددې ولایت د دشت ارچي په ولسوالی کې پر ۱۵۰۰ بزګرانو دغنمو اصلاح شوي تخم او کیمیاوی سرې وېش لړۍ پیل کړ.
دغه پروګرام د یادې ولسوالی په یو شمېر کلیو کې تطبیق شو، چې موخه یې د بزګرانو ملاتړ، د کرنیزو حاصلاتو زیاتوالی او د بزګرانو د کورنیو د معیشت ښه والی دی.
دا پروژه د ملګرو ملتونو د خوړو او کرنې ادارې په مالي ملاتړ پلې کېږي او د کرنې، اوبو لګولو او مالدارۍ وزارت د پالیسیو په چوکاټ کې، د خوړو د خوندیتوب د پیاوړتیا، د تغذیې د ښه والي او د بزګرانو د کورنیو د اقتصادي توان د زیاتوالي په موخه پلي کېږي.
