ننګرهار کانال شرکت کې د زیتونو حاصلاتو زیاتوالي په پار هڅې
۶ سلواغه ۱۴۰۳ھ.ش
۲۵ رَجَب المُرَجَّب ۱۴۴۶ه.ق
د ننګرهار کانال شرکت چارواکي وایي، چې ددې شرکت اړوندو ځمکو کې د زیتونو بڼونه جوړ شوي دي، چې د دغو بڼونو د حاصلاتو زیاتوالی او خوندیتوب په پار هلې ځلې پیل شوي دي.
د دوی په خبره د دغو بڼونو د خوندیتوب او د حاصلاتو زیاتوالي په پار هلې ځلې پیل شوي دي، چې په ترڅ کې یې راتلونکي پسرلي کې به د زیتونو نیالګي ترلاسه او په هغو ځایونو کې په وکرل شي، چې چې انقلابي ناسازه شرایطو له منځه وړي دي ، همدارنګه دا پروسه به نورو فارمونو ته هم وغځېږي .
دا په داسې حال کې ده، چې په نږدې دوو کلونو کې ننګرهار کانال شرکت په نږدې ۶۰۰ جریبه ځمکې باندې تازه زیتون بڼونه احداث کړي، چې خپل منځي جنګونو او ناسازه شرایطو له منځه وړي ؤ .
باید وویل شي، چې د ننګرهار کانال شرکت د جوړېدو سره سم په ۳۱۰۰ هکتاره ځمکې زیتون بڼونه جوړ شوي، چې له بده مرغه خپل منځي جګړو او ناخوالو يې ۱۳۸۰ هکتاره ځمکې باندې ولاړ زیتون بڼونه له منځه وړي او اوس یوازې په نږدې ۱۸۰۰ هکتاره ځمکې زیتون بڼونه شته دي.
ننګرهار دهېواد د هغو ولایتونو په ډله کې دی، چې د زیتونو حاصلات په کې ډېر دی او هر کال د دې مېوې د حاصلاتو زیاتوالی په پار هلې ځلې کېږي.د زيتونو تيل نه يوازې د خوراک لپاره مهم دي، بلکې په طبي، درملو، او ښکلايي محصولاتو کې هم کارول کېږي.
