پکتیا کې پر سلګونو مالدارانو دڅارویو دخوراکي توکو وېش لړۍ پیل شوه
۲۱ وږی ۱۴۰۳ه.ش
۸ رَبِیعُ الْأَوَّل ۱۴۴۶ه.ق
د پکتیا دکرنې، اوبولګولو او مالدارۍ ریاست د افغانستان لپاره د ځنځیري ارزښت پروګرام په مالي همکارۍ ددې ولایت په مرکز ګردیز، احمدابا او سیدکرم ولسوالیو کې پر ۳۳۰ مالدارانو د څارویو د خوراکي توکو وېش لړۍ پیل کړی دی.
ددې پروګرام په پیل غونډه کې د پکیتا د کرنې، اوبولګولواومالدارۍ رییس مولوي سید امین هاشمي د افغانستان لپاره د ځنځیري ارزښت پروګرام د فعالیتونو څخه مننه وکړه او مالدارانو ته یی وویل، چې یاده خوراکه خپلو حیواناتو ته په صحیح ډول ورکړي او زیاته یې کړه، چې د ياد پروګرام له تطبيق څخه يې موخه د اړمنو مالدارنو پر پښو اودرول دي، ترڅو اقتصادي وضعيت يې ښه شي.
د افغانستان لپاره د ځنځیري ارزښت پروګرام ولایتي مسئول داکتر محمود حریفال وویل، چې ۱۵۰ په مرکزګردیز، ۱۵۰ په احمدابا او ۳۰ کسانو ته په سیدکرم ولسوالی کې حیواني خوراکه توزیع شو همدارنګه ښاغلی حریفال وویل، چې د ياد پروګرام له لارې هر مالدارته ۲۰۰ کيلو ګرامه حیواني خوراکه (کانسنتریت) په وړيا ډول ورکول کېږي.
د یادلو وړ ده، چې د څارویو دغه خوراکي توکي پر هغو مالدارانو وېشل شوي، چې د خپلو څارویو محصولات د شېدو پروسس مرکز ته راوړي.
