ننګرهار کې د چرګانو روزنې صنعت ته د پراختیا په موخه ۱۴۰ تنو ته روزنه ورکړل شوه
د ننګرهار د کرنې، اوبو لګولو او مالدارۍ ریاست سره په همغږۍ ستاسو غږ (وای،وی،او) مؤسسې له لورې په کوټ او بټي کوټ ولسوالیو کې ۱۴۰ تنو مېرمنو او نارینوو ته درې ورځنۍ روزنه ورکړل شوه.
د ستاسي غږ مؤسسې مسؤل فرهاد علي وویل د کورني اقتصاد پیاوړتیا او د چرګانو صنعت ته د پراختیا په موخه یې په کوټ او بټي کوټ ولسوالیو کې ۱۴۰ تنو ته د چرګانو پالنې ارزښت، خوراکي، واکسینونواستعمال، د هګیو چرګانو د اوبو اړتیا، دتغذي پلان، د خوراکي کمول او ګڼو نورو برخو کې روزنه ورکړل شوه.
ښاغلي علي وویل دوی په راتلونکی کې یادو کسانو ته ۳۰ د هګیو چرګان، ۱۵۰ کیلو ګرامه خوراکه، دانه خوري، آب خوري، دروازه، کړکۍ، جالۍ او نور اړونده وسایل هم ورکول کېږي، نوموړي وویل دوه میاشتي وروسته هر یو ته ۷۵ ډالره د چرګانو پالنې او روزنې په موخه ورکول کېږي.
