اروزګان ته دکرنې وزارت د پلاوي سفر
د کرنې، اوبولګولو او مالدارۍ وزارت پلاوي اروزګان ته دخپل سفر په ترڅ کې ددې ولایت د کرنې سرپرست رییس مولوي عبدالمنان فاروقي سره وکتل .
یاد پلاوی چې په ترکیب کې یې د کرنې وزارت د پلان رياست او د بڼوالۍ د پراختیا رياست استازي شامل دي اروزګان ولایت ته د خپل سفر په اړه د اروزګان د کرنې سرپرست رییس سره معلومات شریک کړل.
یاد پلاوي وویل: «څرنګه چې اروزګان کې د کرنې وزارت په همکارۍ یو شمېر مؤسسات بزګرو ته د اصلاح شویو تخمونو او کیمیاوي سرې وېش لړۍ په پام کې لري، غواړو د یادې پروسې څخه څارنه او ارزونه وکړو او بیا یې په اړه عالي مقاماتو ته راپور وړاندې کړو.»
په همدې حال کې د اروزګان د کرنې سرپرست رییس مولوي عبدالمنان فاروقي راغلي پلاوي ته هر کلۍ ووایه او زیاته یې کړه: «دا چې اروزګان کې د زرګونو بزګرو لپاره د اصلاح شویو تخمونو او کیمیاوي سرو د وېش لړۍ عملآ پیل شوې ده نو هڅه باید وشي تر څو د پلان مطابق د ټول ولایت په کچه یاد تخمونه او کیمیاوي سرې پر وخت بزګرو ته ورسول شي.»
هغه همدارنګه د اصلاح شویو تخمونو او کیمیاوي سرو پر کیفیت او کمیت د لا زیات نظارت او ارزونې ټینګار وکړ ترڅو بزګران د ښو تخمونو څخه لوړ حاصلات ترلاسه کړي.
دکرنې وزارت پلاوي دغه راز د یو شمېر مؤسساتو له مسؤلینو سره هم ناسته وکړه او په سیمه کې یې د عملي نظارت او ارزونې په موخه لازمې پرېکړې وکړې
