د ځمکو د تصفیې او د ځمکې مالکیت د تثبیت رییس معرفي او په کار یې پیل وکړ
د کرنې، اوبولګولو او مالدارۍ وزارت د مقام په وړاندیز او د افغانستان اسلامي امارت د ریاست الوزراء د حکم په اساس ضیاء الحق ضیاء په دوهم بست کې د ځمکو د تصفيې او د ځمکې مالکیت د تثبیت رییس په توګه وټاکل شو.
په دې اړه جوړه شوې غونډه کې د جیودیزۍ او کدستر عمومي رییس مولوي سعید الرحمن مظهري له خوا د نوي رییس د ټاکلو فرمان ولوستل شو.
په هغه مراسم کې چې د ځمکو ریاست په تالار کې ترسره شوه، محترم ضیاءالحق ضیاء د ځمکو چارو رییس ښاغلي ملا عبدالرحمن رحماني له خوا د ځمکو تصفيې او د ځمکې مالکیت د تثبیت رییس په توګه خپلو همکارانو ته ور وپېژندل شو. ملا عبدالرحمن رحماني د تصفيې ریاست پخواني رییس شیخ محمود حمیدي نه په مننې نوی رییس ته د بریالیتوب هیله وکړه او له هغه څخه یې وغوښتل، چې په خپلو ورسپارل شویو دندو کې هر اړخیزې هڅې وکړي.
د اراضی ریاست لوی رییس په ټولو کاري برخو کې پر شفافيت ټینګار وکړ او له ټولو کارکوونکو وغوښتل چې په خپلو ورسپارل شویو دندو کې د له پوره صداقت او ایماندارۍ څخه کار واخلي.
