ننګرهار کې سلګونه بزګرانو سره د غنمو اصلاح شوي تخمونو او کیمیاوي سرو مرسته کېږي
د ننګرهار د کرنې، اوبو لګولو او مالدارۍ ریاست سره په همغږۍ د خیریه بشري مؤسسې له لورې په سپین غر، لعلپوري، اچین او مومندري ولسوالیو کې د ۴۱۷ تنو بزګرانو سروي ترسره شوه.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل د خیریه بشریه موسسې له لورې ۴۱۷ بزګرانو سره د غنمو اصلاح شوي تخمونو، کیمیاوي سرو او کرنیزو وسایلو مرسته کېږي.
ښاغلي محسن وویل هر بزګر ته به د یو جریب ځمکي لپاره ۲۵ کیلو ګرامه دغنمو اصلاح شوي تخم، ۲۵ کیلو ګرامه توره سره، ۵۰ کیلوګرامه یوریا سره، بېلچه، رمبی، پنجې،لور او موزي ورکړل شي.
نوموړې زیاته کړه، چې یادو بزګرانو ته به د کرلو، هرزه وښو ټولولو، ناروغیو مخنیوي، سرې استعمال، اوبو لګولو او حاصل ټولولو برخو کې روزنه هم ورکړل شي.
