د ننګرهار کانال شرکت په ۲۰۰ جریبه ځمکه اصلاح شوي تخمونه کرل شوي
د ننګرهار دکانال شرکت چارواکي وایي، چې د یاد ریاست په همکارۍ د اصلاح شوې تخمونو د تولید په پار دکرنیزو شرکتونو له خوا په شاوخوا ۲۰۰ جریبه ځمکه کې د اصلاح شوي تخمونو د تولید په پار کرکېله ترسره شوې، چې ډېر اصلاح شوي تخمونه به ترې ترلاسه شي.
د چارواکو په خبر د هډې فارم په ۲۰۰ جریبه ځمکه کې د هلال هډه وال کرنیز شرکت پر مټ د اصلاح شویو تخمونو د تولید په پار کرکېله ترسره شوې ده.
د هلال هډه وال کرنیز شرکت يو تن مسوول ډاکتر عبدالغفار لودين وايي سره ددې چې موږ به په ياده ځمكه اصلاح شوي تخمونه کښت کړي، ورسره سم به د هډې فارم له کابو ۵۰ کلونو نه پاتې ناهمواره ځمکې به هواره کړو، د اوبه خور ناسازه سيسټم به يې جوړ کړو، د اوبو ويالې او کنترولي دروازې به يې فعالې او يادې ځمکې به کرکيلې ته چمتو کړو.
د چارواکو په خبره له دغو ځمکو څخه تر لاسه شوې اصلاح شوي تخمونه به د بزګرانو په واک کې ورکړل شي، چې ورسره به د غنمو د حاصلات کچه لوړ او د بزګرانو اقتصادي ودې ته به زمینه برابره شي.
