د لوګر ولایت د دوشنبې کلی دشیدو ټولولو مرکز پرانیسته وشوه
دلوګر ولایت مرکز پُل ته څیرمه د دوشنبې کلی دشیدو ټولولو لوی مرکز له کاري چارو بشپړیدو وروسته نن ګټې اخیستنې ته وسپارل شو.
په همدې موخه جوړه شوې غونډه کې د لوګر د کرنې، اوبولګولو اومالدارۍ رییس الحاج مولوی سید امین هاشمی سر بېره د مالدارۍ څانګې اوملي رادیوتلویزیون آمرینو، د افغانستان لپاره د هالند کمیټې غړو او دسیمې قومي مشرانو ګډون کړي وو.
په دې غونډ کې دافغانستان لپاره د هالند کمیټې DCA مؤسسې ولایتي مسؤول د پروژې په تړاو معلومات وړاندې کړل،او دسیمې له قومي مشرانو یې وغوښتل ترڅو له دغه مرکز څخه په سمه توګه ساتنه وکړي.
همداراز د لوګر دکرنې، اوبولګولو او مالدارۍ رییس د دغې سیمی ټولو میشتو قومونو ته د مرکز جوړیدو په اړوند د مبارکي تر څنګ له هغوی وغوښتل، چې له جوړ شوې مرکز څخه سمه ګټه پورته کړي او د حفظ الصحې ټول قوانین پکې مراعات کړي.
د سیمی قومی مشرانو په استازولی دوه تنوپه خپلو خبروکې دکرنې ریاست اوهمکارې موسسې له مسؤولینو دمننې ترڅنګ یې له دوی وغوښتل، چې د مالدارۍ مسلک ته وده ورکړي او دغه شان مراکز دې نور هم ورته جوړ کړي ترڅو یې د مالدارۍ محصولات ضایع نشي او په خپل وخت بازار ته وړاندې شي.
باید وویل شی په یاد مرکز ۳۶۱ زره افغانۍ لګښت راغلی، چې دافغانستان لپاره د هالند کمیټې اوځایي خلکو له لوري ورکړل شوي دي.
هیره دی نوی له دغه مرکز څخه د دیارلسو کلیو څاروي لرونکي ګټه پورته کوي، چې شمېریې سلګونو تنوته رسېږي،همدارنګه پکې د ورځې ۵۰۰ تر ۶۰۰ کیلوګرامه شیدی ټولیږې.
په لوګرولایت کې د دغه شان مراکزو جوړیدو څخه موخه دڅارویو لرونکو لاسنیوی د یاد ولایت محصولاتو ته بازارموندنه اوبازار ته دتصفیه شویو محصولاتو وړاندې کول دي.
