هرات ته د کرنې وزارت د سرپرست په سفر کې؛ هرات کې د شېدې ټولولو پنځه مرکزونه ګټې اخیستنې ته وسپارل شول
یکشنبې د تلې ۱۳مه ۱۳۹۹
د هرات ولایت د کرخ، ګذرې او انجیل په ولسوالیو کې، د شېدې ټولولو پنځه مرکزونه، یاد ولایت ته د کرنې وزارت د سرپرست او نوماند وزیر ډاکټرانوارالحق احدي د سفر په ترڅ کې ګټې اخیستنې ته وسپارل شول.
د مالدارانو د تولیدي شېدې روغتیا ساتنه، ۸۰۰ مالدارانو ته د پلور په پار بازارمونده او کارموندنه ددغو مرکزونو ښې ګڼې دي.
د شېدې ټولولو د یادو مرکزونو ټولیزه وړتیا څه نږدې اته مټریک ټنه ده.
دغه مرکزونه د کرنې وزارت د بڼوالۍ او مالدارۍ ملي پروژې «NHLP» له خوا د ۱۲.۵ میلیونه افغانیو په لګښت جوړ شوي دي.
