هلمند کې ۹۵۰متریک ټنه دغنمو اصلاح شوي تخمونه وېشل کیږي
۲ لیندۍ ۱۳۹۸
د هلمند د کرنې، اوبولګولو او مالدارۍ ریاست له خوا ددې ولایت په مرکز لښکرګاه او ۱۳ ولسوالیو کې پر ۱۹ زره بزګرانو د غنمو اصلاح شوي تخمونه وېشل کیږي.
د هلمند دکرنې رییس زلمی الکو وایي، چې تر دې دمه ددې ولایت مرکز لښکرګاه او دغه راز نهرسراج، نادعلي، او ناوې ولسوالیو ته د دغو اصلاح شویو غنمو تخمونه رسېدلې چې د وېش لړۍ به یې هم ډېر ژر پیل شي.
ښاغلي الکو وایي، چې د غنمو دغه اصلاح شوي تخمونه به ددې ولایت په ۳۸ زره جریبه ځمکه کې وکرل شي. دهغه په خبره د هلمند د کرنې اداره هلې ځلې کوي ترڅو پر وخت بزګرو ته د غنمو اصلاح شوي تخمونه ورسوي.
باید وویل شي، چې سږ کال د خصوصي سکټور په همکارۍ په دې ولایت کې د اصلاح شویو تخمونو د تصدیو له خوا ۱۱۵۰ مټریک ټنه اصلاح شوي غنم تولید، چې ۹۵۰ مټریک ټنه یې په هلمند کې او پاتې ۲۵۰مټریک ټنه یې یوشمېر نورو ولایتونوته ولېږدول شول.
