پکتیکا ته د کرنې وزارت د اراضۍ لوی ریاست دپلاوي سفر
۷ وږی ۱۴۰۳ه.ش
۲۴ صَفَر المُظَفَّر ۱۴۴۶ه.ق
د کرنې، اوبولګولو او مالدارۍ وزارت د اراضۍ لوی رییس په لارښوونه پکتیکا ولایت د ځمکو د اجارې پر سر د رامنځته شویو شخړو د حل په موخه يو ټيم ياد ولايت ته سفر وکړ ترڅو د ستونزو د حل او همدارنګه د هغو ځمکو په اړه ارزونه وکړي، چې مستاجرينو د اجارې پیسې يې له کلونو راهيسې تر اوسه ندي تحويل کړي.
ياد ټيم پکتیکا ولایت ته په رسېدو له ټولو مستاجرينو سره وکتل چې له نېکه مرغه ستونزو ته د پای ټکی کېښودل شو او ټولو دا پرېکړه هم وکړه چې له کومې نېټې څخه چې ځمکې دوی ته په اجاره ورکړ شوي خپلې ټولې د اجارې پیسې به د افغانستان اسلامي امارت مربوطه څانګې ته سپاري.
د يادونې ده چې دغه مستاجرين چې ۱۹ کسان دي او له ۱۳۴۶ کال څخه تر اوسه ۸۵۰ جريبه ځمکه يې په اجاره نيولې چې تر اوسه پورې خپلې د اجارې پیسې نوې تحويل کړې.
