دهلمند ولایت بولان څېړنیز فارم کې ګڼې کرنیزې چارې روانې دي
دهلمند ولایت د کرنې، اوبولګولو او مالدارۍ ریاست اړوند بولان څېړنیز فارم کې د رغونې ترڅنګ ګڼې کرنیزې چارې بشپړ او ځینې هم روانې دي.
په نوموړي فارم کې د تجربوي غنمو څخه د اضافي او بې ګټو وښو له منځه وړلو، د کیمیاوي سرې کارونې، اوبو لګونې او د بېلابېلو نباتي ناروغیو مخنیوی په پار د کیمیاوي درملو کارونې چارې بشپړ شوي دي.
ددې تر څنګ په یاد فارم کې د انګورو د ٢٥ ډوله تاکانو نوي بڼ رغولو چارې تر ډېره بشپړ او پاتې کارونه یې په چټکۍ سره ادامه لري.
د یادولو وړ ده، چې دا مهال د بولان څېړنیز فارم کې ګڼې تجربې د مسلکي کارکوونکو لخوا تر څېړنو لاندې دي، چې پر وخت به یې ټولې چارې تر سره شي.
