د ننګرهار دکرنې ریاست: د مؤسسو او پروژو د نویو کړنو په تړاو د همغږۍ غونډه وشوه
د ننګرهار د کرنې، اوبولګولو او مالدارۍ ریاست تر چتر لاندې د ملګرو ملتونو د خوړو او کرنې ادارې او اکشن آیډ پروژو مسولینو د ننګرهار د کرنې، اوبولګولو او مالدارۍ رییس مولوي عبدالستار محمد سره د نویو پروژو د معرفي کولو په تړاو ناسته ترسره کړه.
په ختیځ زون کې د ملګرو ملتونو د خوړو او کرنې اداري مسول خوشحال اصفي وویل: « د ننګرهار په بټي کوټ، کوزکونړ، رودات، بهسود، کامه، جلال اباد ښار، شینوارو، سره رود، مومندره، لعلپوره، ګوشته، هسکه مېنه، دره نور، خوږیانو، پچیراګام، چپرهار، حصارک او شیرزاد ولسوالیو کې ۸ زره ۹۷۳ نارینه او ښځینوو ته کورنۍ باغچې، مرخیړیو، څارویو متراکمه خوراکي توکي، د کار په مقابل کې د نغدو پیسو وېش، شاتو مچیو ترویج، وړی شني خونې، سویابینو تخمونه او د کورنیو چرګانو ورکړي پروګرامونه پلې کوو» .
دغه راز اصفي زیاته کړه، چې دمګړې په ننګرهار کې د ۲۵ زره بزګرانو د غنمو سروې روانه ده؛ چې په ډېری ولسوالیو کې سروي پاي ته رسیدلې ده.
په همدې حال کې، د ننګرهارد کرنې، اوبولګولو او مالدارۍ رییس مولوي عبدالستار محمد د یادو پروژو او مؤسسړ مسؤلینو ته د هر راز همکارۍ ډاډ ورکړ.
