د کرنې وزارت د پلان او پروګرامونو د همغږۍ لوی رییس د پروویل پروژې له چارواکو او همکارو مؤسسو سره وکتل

mail-admin
یکشنبه ۱۴۰۵/۶/۱۵ - ۹:۸
21212121

۱۵ وږی ۱۴۰۵ هـ.ش
۲۳ رَبِیعُ الْأَوَّل ۱۴۴۸ هـ.ق
د کرنې، اوبولګولو او مالدارۍ وزارت او د افغان اېډ مؤسسې د پروویل پروژې د مسؤل او د همکارو مؤسسو د استازو ترمنځ د همغږۍ او تخنیکي غونډه د دغه وزارت د پلان او پروګرامونو د همغږۍ لوی رییس الحاج مولوي عبدالعلي عمري په مشرۍ ترسره شوه.
په دې لیدنه کې، د کرنې وزارت د پلان او پروګرامونو د همغږۍ لوی رییس په افغانستان کې د کرنې له سکتور څخه د ملاتړ په برخه کې د همکارو مؤسسو د فعالیتونو او هڅو قدرداني وکړه او د کرنې وزارت او همکارو بنسټونو ترمنځ یې د همکاریو او همغږۍ پر دوام ټینګار وکړ.
په همدې حال کې، د همکارو مؤسسو استازو ژمنه وکړه، چې د افغانستان د کرنې په سکتور کې به نور فعالیتونه او پروژې هم پلي کړي. هغوی همدارنګه د هوکړه‌لیکونو د لاسلیک په برخه کې د کرنې وزارت له همکارۍ څخه مننه وکړه.
د دغو مؤسسو مسؤلینو وویل، چې د پروویل پروژه د بریتانیا د بهرنیو چارو وزارت په مالي ملاتړ به تر ۲۰۲۹ میلادي کال پورې په پکتیا، خوست، سمنګان، تخار، فاریاب او کونړ ولایتونو کې فعالیت وکړي او د دغې پروژې فعالیتونه د کرنې وزارت د لومړیتوبونو له مخې ځانګړي شوي دي.
په پای کې، د کرنې وزارت د پلان او پروګرامونو د همغږۍ لوی رییس ډاډ ورکړ، چې دغه وزارت د اسلامي امارت د پالیسیو او ستراتیژیو په رڼا کې د هېواد د کرنې سکتور د پراختیا او پیاوړتیا په موخه له همکارو مؤسسو سره هر ډول همکارۍ او همغږۍ ته چمتو دی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت