لوګر کې د ۳۱۸ ميليونه افغانيو په لګښت ۱۷ لویې پروژې بشپړې او ګټې اخيستنې ته وسپارل شوې

mail-admin
دوشنبه ۱۳۹۹/۹/۱۷ - ۱۵:۱۹
لوګر کې د ۳۱۸ ميليونه افغانيو په لګښت ۱۷ لویې پروژې بشپړې او ګټې اخيستنې ته وسپارل شوې


۱۷ لیندۍ ۱۳۹۹
د لوګر د کرنې، اوبولګولو او مالدارۍ ریاست وایي، چې په دې ولایت کې د کرنې، اوبولګولو، لبنیات، بڼوالۍ او یوشمېر نورو برخو کې د ۳۱۸ میلیونه افغانیو په لګښت د ۱۷ لویو پروژو چارې بشپړې او ګټې اخیستنې ته وسپارل شول.
په دې اړه جوړه شوې غونډه کې د لوګر والي محمداجمل شاه پور، د ولایتي شورا یوشمېر وکیلان، د کرنې رییس عبدالله تسل، قومي مشران او د لوګر ولایت یوشمېر سیمه ییزو چارواکو او اوسیدونکو ګډون درلود.
د لوګر د کرنې رییس عبدالله تسل وویل، په دغو ۱۷ لویو پروژو کې سلګونه کوچني پروژې د کرنې، اوبولګولو، مالدارۍ، بڼوالۍ، لبنیاتو او یوشمېر نورو برخو کې شاملي دي. د ښاغلي تسل په خبره دغه پروژې ددې ولایت په مرکز پل علم او ټولو ولسوالیو کې د کرنې ریاست او همکارو موسسو په مرسته پلي شوي دي، چې په کې د مېوو لپاره سارک سړې خونې، د پیازو او کچالو زېرمتونونه او ممیزخونې جوړول او دغه راز د اوبولګولو، مالدارۍ، لبنیاتو او نور برخو اړونده پروژې شامل دي.
د لوګر د کرنې رییس دغه راز وویل، چې د یادو پروژو د پلي کېدو له لارې ګڼو بې کارو خلکو ته د کار زمینه هم برابره شوې وه. د هغه په خبره دغه پروژې د لوګر ولایت په مرکز او ولسوالیو کې کرنیزو حاصلاتو ته په کتو کروندګرو او بڼوالو ته جوړې شوي، چې په جوړېدو سره یې د حاصلاتو د خوسا کېدو مخه نیول کیږي او د بزګرانو او بڼوالو د عوایدو د زیاتوالي لامل هم کیږي.
د کرنې، اوبولګولو اومالدارۍ رییس عبدالله تسل زیاته کړه، چې راتلونکی کال به په دې ولایت کې د اوبولګولو په برخه کې د ۱۵۵ میلیونه افغانیو په لګښت لسګونه نورې پروژې هم پلي شي.
په همدې حال کې د لوګر والي محمداجمل شاه‌پور، د لوګر په ولایت کې د یادو زېربناوو د جوړولو په پار د کرنې له وزارت څخه مننه وکړه او وویل: «د خوشحالۍ ځای ده، چې د ښو فرصتونو په لړ کې یو، د داسې پرمختیایي پروژو پلي کول، هېوادوالو پر وړاندې د حکومت د کلک او قوي ارادې ښکارندویي کوي.» د لوګر والي دغه راز وویل، چې ددغو بزګرانو د هڅو او زحمتونو برکت دی، چې هېوادوالو مو په ډېرو بروخو کې خپل باکیفیته وطني توکو څخه ګټه پورته کوي.
په ورته وخت کې د لوګر د ولایتي شورا غړی سیدقریب الله سادات په خپلو خبرو کې وویل، چې د لوګر ډېری ولسونه په کرنه او مالدارۍ بوخت دي او یادې پروژې د دوی د عوایدو د زیاتولو په برخه کې مرسته کوي، هغه وویل: «ډېر د خوښۍ ځای ده، چې د لوګر په ولایت کې د کرنې، مالدارۍ، بڼوالۍ او نورو برخو کې د لویو او وړو پروژو د ګټې اخیستنې شاهدان یو.» هغه له اړوندو چارواکو غوښتنه وکړه، چې انډولیزه پراختیادې په پام کې ونیسي.
دغه راز د ولسوالانو په استازیتوب د برکي برک ولسوال احمدویس عبدالرحیمزی خبرې وکړې، هغه د داشان پروژو پرانسته د ولسونو په ژوندانه د مثبت بدلون په برخه کې لوی ګام وباله او ترڅنګ یې ډاډ ورکړ، چې په ولسوالیو کې د ورته پروژو په پلي کولو کې ولسونه پوره همکاري کوي.
په لوګر ولایت کې یادې پروژې پلي کېدل ددې ولایت د بزګرانو، مالدارانو او بڼوالو د خوښۍ لامل شوي دي. دوی وایي، چې یاد پلي شوي پروژېکولای شي، چې د کرنې، بڼوالۍ او مالدارۍ وده کې رغنده رول ولوبوي او د ولایت په کچه د اقتصادي ودې لامل شي.

خبرهای تازه

دوشنبه ۱۴۰۴/۷/۱۴ - ۱۵:۶
Background image

آغاز کمپاین واکسین بیماری طاعون نشخوارکنندگان کوچک در ولسوالی چمتال ولایت بلخ

۱۴ میزان ۱۴۰۴ هـ.ش
کمپاین تطبیق واکسین بیماری طاعون نشخوارکنندگان کوچک (PPR) در ولسوالی چمتال ولایت بلخ آغاز شد. این برنامه با حضور آمر مالداری و صحت حیوانی ریاست زراعت، آبیاری و. . .

دوشنبه ۱۴۰۴/۷/۱۴ - ۱۵:۴
Background image

برگزاری جلسه سکتور زراعت و انکشاف دهات در پنجشیر

۱۴ میزان ۱۴۰۴ هـ.ش
ریاست زراعت، آبیاری و مالداری ولایت پنجشیر جلسه‌ای تحت عنوان «سکتور زراعت و انکشاف دهات» به ریاست قاری فضل‌الله دیوبند، رئیس زراعت پنجشیر، برگزار کرد.
جلسه با تلاوت. . .

دوشنبه ۱۴۰۴/۷/۱۴ - ۱۴:۵۶
Background image

توزیع خوراکه متراکم حیوانی برای افزایش وزن بره‌ها در فاریاب

۱۴ میزان ۱۴۰۴ هـ.ش
برنامه توزیع خوراکه متراکم حیوانی (کانسنتریت) به منظور تقویت تغذیه و افزایش وزن بره‌ها در برخی ولسوالی‌های ولایت فاریاب اجرا شد. این برنامه با هماهنگی آمریت مالداری و. . .

بازگشت به خبرها